NASA. Յուպիտերի ու Սատուրնի արբանյակների մթնոլորտում թթվածին կա
ԱՄՆ NASA գործակալության գիտնականները թթվածին են հայտնաբերել Սատուրնի արբանյակ Դիոնում: Այդ մասին ասվում է կազմակերպության հաղորդագրության մեջ:
Ըստ գիտնականների, բացահայտումը հաստատում է այն տեսությունը, որ Յուպիտերի ու Սատուրնի արբանյակների մեծ մասում թթվածին կա:
Ըստ Լոնդոնի համալսարանի պրոֆեսոր Էնդրյու Կոտասի, Դիոնում ջրի առկայության նշաններ չեն հայտնաբերվել, հետևաբար, այն պիտանի չէ կյանքի համար: «Սակայն, մյուս արբանյակներում հաջողվել է հայտնաբերել սառույցի ու ջրի առկայություն, նշանակում է այնտեղ կարող են լինել կյանքի որոշ դրսևորումներ: Սատուրնի ամենախոշոր արբանյակի՝ Տիտանի մթնոլորտը շատ նման է Երկրի մթնոլորտին մի քանի միլիոն տարի առաջ»,-ասել է նա:
