Դոնեցկի «Շախտյորի» գլխավոր մարզիչ Միրչա Լուչեսկուն Ուկրաինայի առաջնության շրջանակներում «Դնեպրի» հետ հանդիպման նախօրեին նշել է, որ «Դոնբասս Արենայում» իրենց դժվարագույն խաղ է սպասվում:

««Դնեպրի» թիմն ուժեղ է, նրանք լավ փոխանակումներ են կատարել, և թիմի կազմում բարձր տեխնիկայով ֆուտբոլիստներ են հայտնվել: Չնայած նոր թիմ ստեղծելը բավական բարդ է: Դրա համար ժամանակ է հարկավոր: Ես առանձնահատուկ հարգանք ունեմ «Դնեպրի» և թիմի մարզիչ Խուանդ Ռամոսի հանդեպ»,- ասել է «Շախտյորի» մարզիչը, հաղորդում է ակումբի պաշտոնական կայքը:

Լուչեսկուն ընդգծել է, որ անկախ արդյունքներից, որոնք թիմերը ցույց են տվել հավաքների ժամանակ, մարտի 4-ին ծանր խաղ է սպասվում: