ԵՄ դիվանագիտության գծով ղեկավար Քեթրին Էշթոնը միջազգային միջնորդների «վեցնյակի» անունից առաջարկել է Իրանին վերսկսել բանակցությունները իրանական միջուկային ծրագրի վերաբերյալ, երեքշաբթի հայտնում է Էշթոնի մամուլի ծառայությունը:
«Ներկայումս պետք է համաձայնեցվի բանակցությունների տեղն ու ժամանակը»,-ասվում է մամուլի հաղորդագրությունում, հայտնում է ՌԻԱ Նովոստին:
ՄԱԳԱՏԷ-ում արևմտյան երկրները կասկածում են իրանական միջուկային ծրագրի խաղաղ բնույթին: ՄԱԿ-ի ԱԽ Իրանի վերաբերյալ 4 բանաձև է ընդունել:
ՄԱԳԱՏԷ-ն հրապարակել է Իրանի միջուկային ծրագրի վերաբերյալ վերջին զեկույցը փետրվարի վերջին: «Ռոյթերս» գործակալությունը, հղելով այդ զեկույցը, հայտնում է , որ Իրանը վերջին տարում երկու անգամ ավելացրել է ուրանի հարստացումը, ինչը կարող է օգտագործվել միջուկային զենքի ստեղծման համար:
Իրանի և «վեցնյակի» միջև բանակցությունների վերջին էտապը տեղի է ունեցել 2011թ հունվարին Անկարայում և անարդյունք է ավարտվել: