  ՎԶԵԲ-ը բարդություններ է տեսնում Ազատ առևտրի մասին պայմանագրին Հայաստանի միանալու ճանապարհին 8 մարտի 2012 - 13:02 AMT PanARMENIAN.Net - ԵՄ «Խորը և համապարփակ առևտրի ազատ գոտու մասին պայմանագրին» միանալու շուրջ Հայաստանի հետ մեկնարկած բանակցությունները բարդ և տևական գործընթացի սկիզբ են, որի շրջանակներում մեծ աշխատանք պետք է կատարվի: PanARMENIAN.Net ի թղթակցի հետ զրույցում իր կարծիքն է կիսել Վերակառուցման և զարգացման եվրոպական բանկի (ՎԶԵԲ) ղեկավար Վալերիու Ռազլոգը: «Այդ գործընթացի շրջանակներում պետք է սկսել ֆիտոսանիտարիայի ոլորտի, սննդամթերքի անվտանգության, միջազգային առևտրում արտահանման կանոնակարգման հարցերից»,-ասել է նա: Ավելին, ըստ նրա, աշխատանք է կատարվում Հայաստանի օրենսդրությունը ԵՄ օրենսդրության հետ ներդաշնակեցնելու ուղղությամբ: Այնուամենայնիվ, ՎԶԵԲ-ը գնահատում է այդ քայլը շատ դրական և ակնկալում է զգալի փոփոխություններ ՀՀ տնտեսության տարբեր ոլորտներում: «Մենք նախկինի պես կֆինանսավորենք առևտրային ընկերությունները ինչպես ուղղակիորեն, այնպես էլ միջնորդավորված՝ բանկերի միջոցով, բարելավելով նրանց հնարավորությունները եվրոպական շուկա դուրս գալու հարցում»,-ասել է Վալերիու Ռազլոգը: Այդ համատեքստում նա հավելել է, որ բանկը կմասնակցի այդ գործընթացին ու կսատարի Հայաստանին, այդ թվում նաև տարբեր ուղղություններով տեխնիկական աջակցության միջոցով: ԵՄ առևտրային քաղաքականության հանձնաժողովը փետրվարի 20-ին միաձայն որոշում ընդունեց Հայաստանի հետ «Խորը և համապարփակ առևտրի ազատ գոտու մասին» պայմանագրի շուրջ բանակցությունները սկսելու մասին:   Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը   |  Վերջին լուրեր Սենատի Ֆրանսիա-Հայաստան բարեկամական խումբն այցելել է Հայոց ցեղասպանության հուշահամալիր  Հյուրերը շրջել են նաև Հայոց ցեղասպանության թանգարանումԹրյուդո․ Պետք է հիշենք և հարգենք Հայոց ցեղասպանության զոհերի հիշատակը Նա նշել է, որ Կանադայում ապրիլը համարվում է Ցեղասպանության, հիշատակի, դատապարտման և կանխարգելման ամիսԹուրքիայի ընդդիմադիր DEM կուսակցությունը ոգեկոչել է Հայոց ցեղասպանության զոհերի հիշատակը Ոգեկոչման ակցիան ուղեկցվել է ցեղասպանության զոհ գնացած հայ մտավորականների լուսանկարների ցուցադրմամբՍերժ Սարգսյանը՝ ընդդիմության անհաջողության մասին․ Կան ոչ միասնական մոտեցումներ Նա նշել է նաև, որ կա արտաքին սատարում այս իշխանություններին |
