Ռուսաստանի ԱԳՆ և ԵԱՀԿ ներկայացուցիչները քննարկել են Հարավային Կովկասի իրավիճակը

Ռուսաստանի ԱԳՆ և ԵԱՀԿ ներկայացուցիչները քննարկել են Հարավային Կովկասի իրավիճակը

PanARMENIAN.Net - ՌԴ ԱԳ փոխնախարար Գրիգորի Կարասինն ընդունել է Հարավային Կովկասի հարցով ԵԱՀԿ հատուկ ներկայացուցիչ Պատրիկ Մերֆիին: Հանդիպմանը կողմերը քննարկել են արդի միջազգային հարցեր, այդ թվում՝ Հարավային Կովկասի իրավիճակը և տարածաշրջանում ԵԱՀԿ գործունեությունը, ասվում է ՌԴ ԱԳՆ հաղորդագրությունում: 2012-ին ԵԱՀԿ-ում նախագահում է Իռլանդիան, որն իր աշխատանքի հիմնական գերակայությունների շարքում նշել է ԵԱՀԿ տարածքում հակամարտությունների լուծումը՝ ղարաբաղյան, վրացական և մերձդնեստրյան: Գործող նախագահ, Իռլանդիայի ԱԳՆ ղեկավար Էյմոն Գիլմորի առաջին քայլերից մեկը Հարավային Կովկասի հարցով հատուկ ներկայացուցիչ նշանակելն էր: Այս պաշտոնում նշանակված դեսպան Մերֆին ավելի վաղ ծառայել է Իռլանդիայի դիվանագիտական առաքելություններում նախկին ԽՍՀՄ-ում, Գերմանիայում, Իսպանիայում և Ճապոնիայում: Հունվարի վերջին Մերֆին իր նշանակումից հետո առաջին անգամ ժամանել է տարածաշրջան:

 Ուշագրավ
Նա նաև ասել է, որ տարածաշրջանային անվտանգությունը պետք է ապահովեն տարածաշրջանի երկրները
Նա հավելել է, որ թուրքական կողմն ավարտել է Նախիջևանի և Կարսի միջև 224 կմ երկարությամբ երկաթուղային գծի կառուցումը
Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները
Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան
---