Պաղեստինի ազգային վարչության (ՊԱՎ) և ՖԱԹՀ շարժման ղեկավար Մահմուդ Աբասը, ՀԱՄԱՍ քաղբյուրոյի նախագահ Հալեդ Մաշաալը հաջորդ շաբաթ կհանդիպեն Կահիրեում և կփորձեն հաղթահարել միջպաղեստինյան հաշտեցման պլանի կատարման շուրջ տարաձայնությունները, հաղորդում է ՌԻԱ Նովոստին:

Աբասը և Մաշաալը փետրվարի 6-ին Դոհայում պայմանավորվել են մինչև Պաղեստինի ինքնավարության ընտրությունների անցկացումը նոր անցումային կառավարություն ձևավորելու մասին, որը պետք է գլխավորի Աբասը, ինչը մինչև հիմա չի կատարվել: