«Արմավիան» պարտավորվել է մինչև սեպտեմբեր մարել «Զվարթնոցին» իր 5 մլն 300 հազար դոլար պարտքը15 մարտի 2012 - 14:51 AMT PanARMENIAN.Net - «Արմենիա միջազգային օդանավակայաններ» ՓԲԸ-ն ու «Արմավիա» ավիաընկերությունը համաձայնության են եկել և ստորագրել են համաձայնագիր: Այսօր լրագրողների հետ հանդիպմանն այս մասին ասաց «Արմենիա միջազգային օդանավակայաններ» ՓԲԸ գլխավոր տնօրեն Մարսելո Վենդեն՝ նշելով, որ վերջին 4 օրերի ընթացքում իրենք հանդիպել են «Արմավիայի» ու ՀՀ վարչապետի կողմից ստեղծված աշխատանքային խմբի հետ, փորձել են ստեղծված իրավիճակից փոխշահավետ ելք գտնել: «Վեջին օրերի ընթացքում մենք շատ մեկնաբանություններ ենք լսել այս իրադարձության վերաբերյալ, բայց գերադասել ենք ոչ մի մեկնաբանություն չանել մինչև համաձայնության գալը»,- ասաց նա: «Արմենիա միջազգային օդանավակայաններ» ՓԲԸ գլխավոր տնօրենի տեղակալ Անդրանիկ Շխյանը նշեց, որ այսօր ստորագրված համաձայնագրով «Արմավիայի» բոլոր պահանջները կատարված են. «Մենք ակնկալում ենք, որ պարտքի սահմանված ժամանակացույցը կպահպանվի»: Օդանավակայանի իրավախորհրդատու Արմեն Տեր-Տաճատյանը նշեց, որ խոսքը 6 ամսվա պարտքի մասին է, որը կազմում է 5 մլն 300 հազար դոլար. «Մենք ակնկալում ենք, որ մինչև սեպտեմբեր այս պարտքը կմարվի: Մեր կողմից սահմանվել են հատուկ սակագներ, որը և պահանջում էր «Արմավիան»: Մեր ընկերության համար անընդունելի է այսքան մեծ պարտք ունենալը, և մեզ համար առաջնային էր այդ գումարները ստանալը»: Նա նաև նշեց, որ «Արմավիա» ավիաընկերության ներկայացուցիչներն իրենց խոստացել են մշակել ու ներկայացնել ընկերության նոր ռազմավարությունը, որը թույլ կտա հնարավորինս շուտ մարել պարտքը: Օդանավակայանի կողմից սահմանված նոր սակագները կգործեն առաջիկա մեկ տարվա ընթացքում: Պարտքի մարման առաջին վճարումը համաձայնագրով սահմանված է մարտի 31-ին: Մարտի 6-ին «Արմավիա» ավիաընկերությունը գործադուլ էր հայտարարել: Ընկերությունից հայտնում էին, որ գործադուլը պայմանավորված էր Երևանի «Զվարթնոց» օդանավակայանի նոր գնային քաղաքականությամբ, ըստ որի սպասարկման գները բարձրացել են: Գործադուլը հայտարարելուց մի քանի ժամ անց ընկերությունը վերսկսել էր աշխատանքը: Զուգահեռ ընթանում էին բանակցություններ ավիաընկերության, օդանավակայանի և Քաղաքացիական ավիացիայի վարչության միջև: «Արմավիա» ավիաընկերության ներկայացուցիչները նաև չէին բացառում ընկերությունը սնանկ հայտարարելու հավանականությունը, եթե «Զվարթնոցը» զիջումների չգնար: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |