Հայաստանի և Եվրամիության միջև ազատ առևտրի գոտի ստեղծելու մասին պայմանագիրը և Եվրոպայի հետ տնտեսական հարաբերությունների զարգացումը ոչ մի կերպ չեն խանգարի Ռուսաստանի հետ Հայաստանի կապերի հետագա խորացմանը: Այդ մասին Երևանում մամլո ասուլիսում հայտարարել է Հայաստանի Ազգային ժողովի պատգամավոր Կարեն Ճշմարիտյանը: Նա ասել է, որ Հայաստանն առևտրային պայմանագրեր ունի ԱՊՀ բոլոր երկրների հետ, և ԵՄ հետ առտրային կապերի զարգացումը կհանգեցնի միայն հայկական արտադրանքի իրացման համար նոր հարթակներ բացելուն: Դրանում, նրա կարծիքով, պետք է շահագրգռված լինեն Հայաստանի առտրային գործընկերները, այդ թվում՝ Ռուսաստանը, քանզի «զարգացած տնտեսության հետ ավելի հեշտ է գործեր վարելը»: