Առավել խոշոր չափերի կաշառակերության եւ պաշտոնեական դիրքի չարաշահման մեղադրանքով կալանավորվել է ՀՀ Ազգային անվտանգության ծառայության (ԱԱԾ) սահմանապահ զորքերի հրամանատարի տեղակալ, գնդապետ Վահան Մխիթարյանը: Ինչպես «Արմինֆո» գործակալությանը հաղորդել են ՀՀ ԱԱԾ մամուլի կենտրոնից, Վ. Մխիթարյանի աշխատասենյակում եւ բնակարանում կատարված խուզարկության ժամանակ առգրավվել է անօրինական ճանապարհով ձեռք բերված երեք հատ ինքնաձիգ եւ ռազմամթերք: Տվյալ փաստի առումով քրեական գործ է հարուցվել, նախաքննությունը վարում է ՀՀ զինվորական դատախազությունը: