Ֆրանսիայի նախագահ Նիկոլյա Սարկոզին իրավացի է, որ պետք է ուժեղացնել Շենգենյան գոտու արտաքին սահմանների վրա վերահսկողությունը, հայտարարել է ԳԴՀ ՆԳՆ ղեկավար Հանս Պետեր Ֆրիդրիխը:
«Սարկոզին վերջերս հայտարարել է այն մասին, որ եվրոպական երկրները պետք է համատեղ ջանքեր գործադրեն, որպեսզի երկարաժամկետ հեռանկարում արդյունավետ դիմակայեն այնպիսի երևույթին, ինչպիսին է անօրինական ներգաղթը Եվրոպա: Նա իրավացի է: Մենք պետք է գործողությունների ընդհանուր ծրագիր մշակենք անօրինական ներգաղթի դեմ»,- ասել է Ֆրիդրիխը:
«Բրյուսելում արդեն ընթանում են Շենգենի գոտում վերահսկողությունն ուժեղացնելու վերաբերյալ բանակցություններ»,- նշել է նա: