Մարտի 21-ին Պլովդիվում տեղի կունենան տղամարդկանց շախմատի Եվրոպայի անհատական առաջնության երկրորդ տուրի հանդիպումները:
Հայտնի են հայ շախմատիստների մրցակիցները: Երկրորդ տուրում Սամվել Տեր-Սահակյանը կխաղա Վիկտոր Լազնիչկայի (Չեխիա) հետ, Սերգեյ Մովսիսյանը` Սիպեկ Էմստի (Ֆրանսիա), Հրանտ Մելքումյանը` Դավիթ Բենիձեի (Վրաստան):
Արման Փաշիկյանն իր ուժերը կչափի Իլյա Խմելինքերի (Իսրայել), Զավեն Անդրիասյանը` Վլադիմիր Օնիշչուկի (Ուկրաինա), իսկ Ռոբերտ Հովհաննիսյանը` Էլիոն Նաքարի (Իսրայել):
Հովհաննես Գաբուզյանն ու Վլադիմիր Հակոբյանը կմրցեն միմյանց հետ, Գաբրիել Սարգսյանը կհանդիպի Անդրեաս Հագենի (Դանիա), Տիգրան Պետրոսյանը` Վեսելին Պանտևի (Բուլղարիա), իսկ Վլադիմիր Պողոսյանը` Անդրեաս Դիերմայրի (Ավստրիա):
Պարտիաները կմեկնարկեն երևանյան ժամանակով 17:00-ին: