Մարտի 21-ին Հայաստանի արտգործնախարար Էդվարդ Նալբանդյանն այցելել է Երևանում Եգիպտոսի դեսպանություն` ցավակցություն հայտնելու Ղպտիական եկեղեցու առաջնորդ Շենուդա Երրորդ Պապի մահվան կապակցությամբ, հաղորդում է ՀՀ ԱԳՆ մամլո ծառայությունը: Էդվարդ Նալբանդյանը գրառում է կատարել դեսպանությունում բացված Սգո մատյանում:

Եգիպտոսի դեսպան Մահամեդ Ալաէդին Սաադ Էլլեյսի հետ զրույցի ընթացքում, նախարար Նալբանդյանը նշել է, որ պատիվ է ունեցել անձամբ ճանաչել և բազմաթիվ հանդիպումներ ու զրույցներ ունենալ Շենուդա Երրորդի հետ: ՀՀ ԱԳ նախարարը վստահություն է հայտնել, որ ականավոր կրոնական առաջնորդ, մտավորական, առաքինի մարդ և մեծ եգիպտացու հիշատակը միշտ վառ կմնա բոլոր նրանց մոտ, ովքեր պատիվ են ունեցել ճանաչելու Շենուդա երրորդին: