Հուլիսի 17-ի «Սասնա ծռեր» խումբը Երևանում ՊՊԾ գունդն է գրոհում: Խումբը պահանջում է ազատ արձակել Ժիրայր Սեֆիլյանին, ՀՀ նահագահ Սերժ Սարգսյանի հրաժարականն և ղարաբաղյան հակամարտության կարգավորման բանակցություններում հրաժարվել հողային զիջումներից

ՊՊԾ շենքի տարածք բանակցելու գնացած ՀՀ ոստիկանության պետի տեղակալ Վարդան Եղիազարյանը և Երևանի փոխոստիկանապետ Վալերի Օսիպյանը նույնպես պատանդվում են:

Հուլիսի 17-ից Խորենացի փողուցում ամեն օր անկացվում են «Սասնա ծռերին» աջակցող ակցիաներ:

Ազատության հրապարակում ոստիկանները բերման են ենթարկում «Ծռերին» աջակցություն հայտնելու համար հավաքված քաղաքացիներին:

Դեպի գունդ տանող ճանապարհները փակ են, կուտակված են զրահամեքենաներ, ջրցան մեքենաներ, դիպուկահարներ: Ստորաբաժանումները բերված են մարտական վիճակի, սակայն հարձակման կամ հատուկ գործողություններ կատարելու ցուցում տրված չէ:

Հուլիսի 20-ին Աբովյան քաղաքում տեղի է ունենում ՊՊԾ գնդի տարածքի գրավման ժամանակ զոհված գնդապետ Արթուր Վանոյանի հուղարկավորման արարողությունը: Նրան հետմահու պարգևատրեցին սխրագործության համար մեդալով։

Խորենացի փողոցում կրկին անցկացվում է «Սասնա ծռերին» աջակցող քաղացիների խաղաղ ցույց: Հավաքվածները համերաշխություն են հայտնում զինված խմբի պահանջներին

Ցուցարարների և ոստիկանների միջև բախումներ են տեղի ունենում: Հավաքվածներից ոմանք սկսում են քարեր նետել ոստիկանների վրա: Պատգամավոր Նիկոլ Փաշինյանը կոչ է անում ցուցարարներին չտվրել սադրանքների և վեր պարզել բաց ափերով ձեռքերն՝ ի նշան անզեն լինելու:

Ցուցարարները հրաժարվում են լքել Խորենացի փողոցը: Բախումների ընթացքում նրանք մի քանի վահան են խլել ոստիկաններից:

ՀՀ քննչական կոմիտեն քրեական գործ է հարուցել հուլիսի 20-ի ուշ երեկոյան տեղի ունեցած բախումների հետքերով:

Ցուցարարների կողմից ոստիկանության վրա քարեր նետելուց հետո վերջիններս կիրառում են արցունքաբեր գազ, լուսաձայնային նռնակներ: Հուլիսի 20-ին և 21-ի գիշերը տեղի ունեցած բախումների հետևանքով 51 մարդ հոսպիտալացվում է, 136-ը բերման է ենթարկվում:

Հուլիսի 20-ի բախումները սկսվեցին ակտիվիստ Անի Նավասարդյանի ելույթից քիչ անց: Չնայած նրա հայտարարության՝ բախումների հասցնելու նպատակ չուներ, նրան բերման են ենթարկում: Նավասարդյանին ազատ են արձակում հուլիսի 25-ին:

Փաշինյանը ելույթ է ունենում Խորենացի փողոցում, որտեղ հայտարարում է, որ «Սասնա ծռերն» ահաբեկիչներ չեն: «Անձամբ ճանաչելով նրանցից ոմանց, կարող եմ ասել՝ նրանք հայրենանվեր մարդիկ են, ովքեր հոգնել են ապօրինություններից», - ասում է Փաշինյանը:

Խորենացի փողոցում շարունակում են հավաքվել «Սասնա ծռեր» զինված խմբին աջակցող անձինք, ովքեր նույնպես հայտարարում են ԼՂՀ տարածքները հանձնելու անթույլատրելիության մասին և պահանջում Սերժ Սարգսյանի հրաժարականը:

Հուլիսի լույս 27-ի գիշերը տեղի է ունենում փոխհրաձգություն, որի արդյունքում «Սասնա ծռերից» Պավել Մանուկյանն ու նրա որդի Արամը ծանր վիրավորվում են և տեղափոխվում հիվանդանոց: Հուլիսի 31-ին նրանք կալանավորվում են 2 ամսով:

Հուլիսի 23-ին մամուլի հետ շփում կազմակերպելու դիմաց զինված խումբն ազատ է արձակում բոլոր պատանդներին: Որոշումը նրանք անվանում են «բարի կամքի դրսևորում»:

Մովսես Խորենացի փողոցում անցկացվող ակցիայի մասնակիցները կազմակերպում են երթ դեպի Հանրապետության հրապարակ:

Մոտակայքում գտնվող շենքերի բնակիչները հետևում են Երևանի փողոցներում անցկացվող երթին:

Հազարավոր մարդիկ հերթական երթն են անցկացնում Երևանի փողոցներով:

Երթի մասնակիցները վանկարկում են կոչեր՝ ի պաշտպանություն «Ծռերին» ու հորդորում մարդկանց միանալ ցույցերին: Երթը տևում է մոտ 2 ժամ:

Ոստիկանությունը լրացուցիչ ուժեր է կենտրոնացնում ՊՊԾ գնդի մերձակայքում:

«Սասնա ծռերն» այրում են ծառայողական ոստիկանական ավտոբուս: Իրավապահները կոչ են անում խմբի անդամներին չդիմել վտանգավոր քայլերի: Խումբը, սակայն, այրում է ևս 3 մեքենա:

Հուլիսի 27-ին ոստիկանությունը բերման է ենթարկում հայտնի դերասանուհի Արսինե Խանջյանին, ով մասնակցում էր Խորենացի փողոցում ցույցերին: Ավելի ուշ Խանջյանը հայտարարում է, որ իրավունք ունի մասնակցելու երկրի բարօրությանն ուղղված գործընթացներին:

Հուլիսի 28-ին ցուցարարներն ուղևորվում են Բաղրամյան պողոտա: Վատ եղանակի պատճառով, սակայն, երթն ավարտվում է:

Հայտնի լրագրող, Գյումրիի «Ասպարեզ» ակումբի նախագահ Լևոն Բարսեղյանին բերման են ենթարկում դանակ կրելու համար: Հուլիսի 29-ին Բարսեղյանին ազատ են արձակում:

Սարի թաղում ցույցը ցրելու ժամանակ ոստիկանները բռնություն են գործադրել նաև լրագրողների հանդեպ՝ խոչընդոտելով նրանց աշխատանքը:

Հուլիսի 29-ի իրադարձությունների հետքերով ոստիկանությունը 165 մարդ է բերման ենթարկում: Բուժհիմնարկներ է տեղափոխվում տարբեր մարմնական վնասվածքներով 73 քաղաքացի:

Իրադարձությունների ընթացքում տուժում են նաև Սարի թաղի բնակիչները: Նրանց տներն են ընկնում լուսաձայնային նռնակներ ու ոստիկանության կողմից կիրառած այլ հատուկ միջոցներ: Ոստիկանները ներխուժում են տներ ու բերման ենթարկում մարդկանց:

Հուլիսի 30-ի երեկոյան ոստիկանությունը փշալարերով փակում է Բաղրամյան պողոտան, որտեղ հավաքվում է ցուցարարների մի մասը: Մարդիկ նստացույց են սկսում:

Բաղրամյան փողոցում ցուցարարներից մեկը՝ Քաջիկ Գրիգորյանը, ինքնահրկիզման փորձ է կատարում: Ցուցարարները հանգցնում են նրան, Գրիգորյանը տեղափոխվում է հիվանդանոց մարդկանց աջակցությամբ: Օգոստոսի 2-ին հայտնի է դառնում, որ Գրիգորյանը մահացել է հիվանդանոցում:

ԱԱԾ-ն հայտնում է, իր բնութագրմամբ, հակաահաբեկչական գործողության ավարտի մասին: «Սասնա ծռերի» 20 անդամները հանձնվում են իրավապահներին: Ազատության հրապարակում հավաքված հազարավոր մարդիկ հերթական անգամ աջակցություն են հայտնում «Սասնա ծռերին»: