ԱՄԵՐԻԿԱՑԻ ԿՈՆԳՐԵՍԱԿԱՆՆԵՐԸ ՇՆՈՐՀԱՎՈՐԵԼ ԵՆ ԼԵՌՆԱՅԻՆ ՂԱՐԱԲԱՂԻ ԺՈՂՈՎՐԴԻՆ ԱԶԱՏԱԳՐԱԿԱՆ ՇԱՐԺՄԱՆ 15-ՐԴ ՏԱՐԵԴԱՐՁԻ ԱՌԹԻՎ17 փետրվարի 2003 - 18:27 AMT PanARMENIAN.Net - ԱՄՆ Կոնգրեսի Հայաստանի աջակցման խմբի համանախագահներ Ֆրենկ Փալոնեն եւ Ջո Նոլենբերգը շնորհավորական ուղերձ են հղել Լեռնային Ղարաբաղի ժողովրդին Ղարաբաղյան ազատագրական շարժման 15-րդ տարեդարձի առթիվ: Ուղերձում, մասնավորապես, ասվում է. «1988 թվականի փետրվարի 20-ը նշանավորել է Լեռնային Ղարաբաղի ժողովրդի վճռականությունը` ազատվելու Ադրբեջանի հալածական կառավարումից եւ ինքնուրույն որոշելու իր սեփական ճակատագիրը: Ազատության նկատմամբ նույն հակումն է ընկած ամերիկյան ազգի հիմքում»: ԱՄՆ-ի Կոնգրեսը բազմիցս իր ձայնն է բարձրացրել ի զորակցություն Ղարաբաղի ժողովրդի իղձերի: «Մենք ձեզ հետ էինք, երբ դուք մարտահրավեր էիք նետում խորհրդային բռնատիրությանը` ձեր ավանդը ներդնելով նախկին Խորհրդային Միության ժողովրդավարացման եւ սառը պատերազմի ավարտման գործում: Հետագա տարիներին մենք ձգտել ենք կասեցնել Ադրբեջանի ագրեսիան, ապա օգնություն ենք տրամադրել ետպատերազմյան վերականգնման համար»,- ընդգծվում է փաստաթղթում: «Անցած 15 տարիների ընթացքում դուք հաջողությամբ պաշտպանել եք ձեր անկախությունը, իսկ ներկայումս ժողովրդավարական պետություն եք կառուցում: Այսօր Լեռնային Ղարաբաղի Հանրապետությունը լիովին համապատասխանում է կայացած պետականության միջազգային չափանիշներին` ժողովրդավարորեն ընտրված ղեկավարությամբ, ուժեղ բանակով եւ անկախ արտաքին քաղաքականությամբ»,- նշում են կոնգրեսականները: Բացի այդ, ընդգծել են նրանք, Լեռնային Ղարաբաղը նաեւ իր ավանդն է ներդնում խաղաղության ու կայունության պահպանման գործում ռազմավարական առումով մի այնպիսի կարեւոր տարածաշրջանում, ինչպիսին է Հարավային Կովկասը, ինչը համապատասխանում է ԱՄՆ-ի շահերին: «Մենք հետագայում եւս կաջակցենք Լեռնային Ղարաբաղի անվտանգության ամրապնդմանը, նրա զարգացմանն ու տարածաշրջանային ինտեգրմանը»,- այսպես են ավարտել իրենց ուղերձը ամերիկացի կոնգրեսականները: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Կիրակոսյանը՝ Հաագայում․ ՄԱԿ ԱԽ-ն ու Եվրոպական դատարանը երբևէ չեն վճռել, որ ՀՀ-ն օկուպացրել է ԼՂ-ն Նա ներկայացրել է առարկություններն Ադրբեջանի ներկայացրած պահանջների նկատմամբ Ապրիլի 28–ին մայրաքաղաքում փակ փողոցներ կլինեն․ «Երևանի մարաթոնն» է Նախատեսվում է, որ միջոցառմանը կմասնակցի մոտ 2000 վազորդ Հայաստան-Չեխիա ռազմատեխնիկական գործակցության մասով պայմանավորվածություններ կան ՊՆ էին այցելել չեխական ռազմարդյունաբերական ընկերությունների ներկայացուցիչներ Ըստ ԱԺԲ–ի՝ իրենց անդամներին բռնության են ենթարկել․ 96 բերման ենթարկված կա Նա ասել է, որ որ ոստիկանության բաժանմունքներում իրենց անդամները «ծեծի են ենթարկվել», կան տուժածներ |