Արթուր Բաղդասարյանը մտադիր չէ միանալ Հայաստանի նախկին նախագահ Լեւոն Տեր-Պետրոսյանին

PanARMENIAN.Net - Հայաստանի նախագահության թեկնածու, «Օրնաց երկիր» կուսակցության առաջնորդ Արթուր Բաղդասարյանը մտադիր չէ միանալ Հայաստանի նախկին նախագահ Լեւոն Տեր-Պետրոսյանին: «Մենք բանակցություններ չենք վարում միավորման մասին, սակայն անհրաժեշտ է քաղաքական երկխոսություն սկսել, ստեղծված իրավիճակից ելք գտնելու համար»,-ասել է Բաղդասարյանը Երեւանում կայացած մամլո ասուլիսի ժամանակ: Նրա խոսքերով, «Օրինաց երկրի» համար անընդունելի են ինչպես իշխանությունների պայքարի ոճը, այնպես էլ արմատական ընդդիմության ի դեմս Լեւոն Տեր-Պետրոսյանի: «Մենք արդեն դատապարտել ենք իշխանությունների որոշ գործողությունները, սակայն մենք անընդունելի ենք համարում նաեւ Լ.Տեր-Պետրոսյանի վարքագիծը, որն իրեն հաղթող հռչակեց Ազատության հրապարակում»,-ասել է նա` ընդգծելով, որ միավորումը հնարավոր է միայն նոր ընտրությունների կամ իրավիճակի հանգուցալուծման այլ ուղիների որոնման շուրջ:



«Իշխանություններն ու ընդդիմությունը ծայրահեղ արմատական դիրքորոշում են որդեգրել, իսկ իմ ընտրողները ինձանից գնահատականներ եւ որոշումներ են պահանջում: Տվյալ պահին ես չեմ կարող դեղատոմս առաջարկել, սակայն պատրաստ եմ սթափեցնող դեր կատարել այս իրավիճակում»,-նշել է «ՕԵԿ»-ը:



Հիշեցնենք, որ ըստ ԿԸՀ-ի վերջին տվյալների, Հայաստանի նախագահ է ընտրվել գործող վարչապետ Սերժ Սարգսյանը, որը հավաքել է ընտրողների 25,82 տոկոսը: Երկրորդ տեղում է Հայաստանի նախկին նախագահ Լեւոն Տեր-Պետրոսյանը քվեների 21,5 տոկոսով: «ՕԵԿ»-ի առաջնորդ Արթուր Բաղդասարյանը հավաքել է ձայների 17,7 տոկոսը: