 Reuters․ Բանկերը հրաժարվում են ֆինանսավորել Բոսֆորի նեղուցը շրջանցող ջրանցքի կառուցումը 28 ապրիլի 2021 - 11:08 AMT PanARMENIAN.Net - Թուրքիայի առաջատար բանկերը հրաժարվում են ֆինանսավորել Բոսֆորի նեղուցը շրջանցող ջրանցքի շինարարությունը։ Պատճառը բնապահպանական, քաղաքական և ֆինանսական ռիսկերն են, գրել է Reuters-ը՝ սեփական աղբյուրներին հղումով։ Թուրքիայի 6 առաջատար բանկ, այդ թվում՝ Garanti Bank, Is Bank և Yapi Kredi-ն, ստորագրել են ՄԱԿ-ի հավանությանն արժանացած փաստաթուղթը պատասխանատու բանկային գործի սկզբունքների մասին, որոնք կոչ են անում խուսափել շրջակա միջավայրին և մոլորակի բնակիչներին վնասելուց։ Հենց դա կարող է խոչընդոտ դառնալ նախագծում, գրում է ՌԲԿ-ն։ Բացի այդ, մասնակցությունը նախագծին կարող է սահմանափակել բանկերի վարկավորման հնարավորությունները։ Ըստ թուրք ինժեներների և ճարտարապետների պալատի՝ ջրանցքը կխախտի ծովի էկոհամակարգը և աղբյուրները, որոնք մեկ երրորդով ապահովում են Ստամբուլը խմելու ջրով։ Ստամբուլի քաղաքապետն ու բնակիչները ևս դեմ են կառուցմանը։ Ենթադրվում էր, որ ջրանքցի կառուցումը, որի լայնությունը 150 մ է, իսկ խորությունը՝ 25 մ, պետք է ավարտվեր 2023-ին, երբ Թուրքիայում տոնելու են հանրապետության 100-ամյակը։ Բոսֆորը շրջանցող ջրանցքի կառուցման գաղափարը պատկանում է Թուրքիայի նախագահ Ռեջեփ Թայիփ Էրդողանին։ Նա դեռևս 2011-ին է այդ առաջարկն առաջ քաշել։ Նախատեսվում է, որ ջրանցքը, շրջանցելով Բոսֆորը, կկապի Սև և Մարմարի ծովերը, կանցնի Ստամբուլի արևմտայն ծայրամասով և կթեթևացնի Բոսֆորի նեղուցի ծանրաբեռնվածությունը։ Photo. AP   Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար Շատերը զրկվել են տանիքից և գիշերում են փողոցում   Ամենաընթերցվողը բաժնում |  Վերջին լուրեր Թուրքիայի ԱԳՆ-ն դժգոհել է Հայոց ցեղասպանության մասին տարբեր երկրների հայտարարութուններից  Թուրքիայի ԱԳՆ-ն կոչ է արել «բոլոր կողմերին սատարել համատեղ պատմական հանձնաժողովի ստեղծման առաջարկին»Մայր աթոռում Հայոց ցեղասպանության նահատակների ոգեկոչման արարողություն է եղել Հավատացյալների խոնարհումի համար դուրս էր բերվել նաև Հայոց Ցեղասպանության սրբոց նահատակաց մասունքարանըAmnesty International-ը՝ ՀՀ մասին. Ոստիկանական բռնություններ, ճնշումներ լրագրողների նկատմամբ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները |
