Այսուհետ «խոզագրիպը» կկոչվի «գրիպ A (H1N1)»

PanARMENIAN.Net - Առողջապահության համաշխարհային կազմակերպությունը (ԱՀԿ) մի շարք երկրների կառավարությունների եւ մսամթերքի ոլորտի ներկայացուցիչների պնդմամբ որոշել է այլեւս չօգտագործել «խոզագրիպ» եզրույթը գրիպի այս տարատեսակի համար` փոխարինելով այն հարուցիչի տեխնիկական անվանումով` «գրիպ A (H1N1)», ասվում է կազմակերպության կայքէջում զետեղված հաղորդագրության մեջ:



Նախկինում մսի եւ մսամթերքի արտադրողներն, ինչպես նաեւ որոշ երկրներ եւ ԵՄ ներկայացուցիչներ կոչ են արել փոխել հիվանդության անվանումը, քանի որ, իրենց կարծիքով, այն մոլորեցնում է մարդկանց: Մարդիկ, վախենալով վարակից, հրաժարվում են խոզի մսից, թեեւ, ինչպես հավաստիացնում են մասնագետները, մսի օգտագործումն ոչ մի վտանգ չի ներկայացնում առողջության համար: Արդյունքում, կարծում են փորձագետները, խողաբուծական ոլորտը կարող է մեծ ֆինանսական կորուստներ կրել:



Հինգշաբթի Առողջապահության համաշխարհային կազմակերպությունը հաստատել է խոզագրիպով հիվանդանալու 236 դեպք: Ըստ կազմակերպության, հիվանդներն ամենից շատ են Մեքսիկայում` 97:



Ընդամենը գրանցվել է ութ մահացու դեպք, յոթը` Մեքսիկայում, մեկը` ԱՄՆ-ում, հաղորդում է «ՌԻԱ Նովոստի» գործակալությունը:
 Ուշագրավ
Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական
Կավելացվեն ծախսերը նաև հատուկ նշանակության նախագծերի ֆինանսավորման համար
---