2010-2011թթ. ուս. տարում Ջավախքի հայկական դպրոցներում կկրճատվեն հայոց լեզվի և գրականության դասաժամերը` իրենց տեղը զիջելով վրացերենին 2 հուլիսի 2010 - 17:45 AMT PanARMENIAN.Net - 2010-2011թթ. ուսումնական տարին Ջավախքի հայկական դպրոցների կրթական համակարգում մի շարք փոփոխություններ է նախատեսում: Գալիքուսումնական տարում կրճատվելու են հայոց լեզվի և գրականության դասաժամերը`իրենց տեղը զիջելով վրացերենին: Ընդ որում, հայերենով տարվող բոլորդասընթացներն այսուհետ կանցկացվեն երկլեզու համակարգով. դասերի առաջին կեսը մասնագետները կվարեն հայերենով, երկրորդ կեսը` վրացերենով, դա վերաբերվում է նաև աշակերտներին: Հայոց պատմության դասաժամերը ֆակուլտատիվ հիմունքներով են անցկացվելու, կրճատվելու են նաև կենսաբանության, քիմիայի և ֆիզիկայի դասաժամերը: Դպրոցներում մինչ այդ գործող լաբորատորիաները, բուժկետերը, երգի ևպարի խմբակները, նախնական տվյալներով նաև գրադարաններն այլևս պետք չեն ու չեն գործի: Չնայած տեղական իշխանության ներկայացուցիչների այն պնդումներին, որ հայազգի ոչ մի ուսուցիչ չի զրկվելու հետագա մասնագիտական գործունեություն ծավալելու հնարավորությունից , սակայն դասաժամերի զգալի կրճատումներն ակնհայտորեն այլ բանի մասին են վկայում: Ոչ պակաս կարևոր խնդիր է դարձել նաև դասագրքերի ձեռքբերման հարցը: Հայաստանում հրատարակվող և անվճար տրամադրվող հայալեզու դասագրքերն արդեն մի քանի տարի է, ինչ անհասանելի են ջավախահայ աշակերտներին: Փոխարենը նրանք ստիպված են Վրաստանում լույս ընծայվող մեսրոպատառ դասագրքերը ձեռք բերել բավականին թանկ գնով և նման պայմաններում կազմակերպել ուսումնառության գործընթացը: սԱյդ դասագրքերը առանձնանում են անհաջող թարգմանությամբ, բազում տառասխալներով, խրթին շարադասությամբ, շատ դեպքերում նաև աղավաղված բովանդակությամբ: Խոսքը հատկապես վերաբերում է Վրաստանի պատմությունը ներկայացնող դասագրքերին, որոնք հայ աշակերտին ներկայացնում են հայոց պատմությանն առնչվող աղավաղված քարտեզագրություն, պատմական իրադարձություններ և այլն: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Սենատի Ֆրանսիա-Հայաստան բարեկամական խումբն այցելել է Հայոց ցեղասպանության հուշահամալիր Հյուրերը շրջել են նաև Հայոց ցեղասպանության թանգարանում Թրյուդո․ Պետք է հիշենք և հարգենք Հայոց ցեղասպանության զոհերի հիշատակը Նա նշել է, որ Կանադայում ապրիլը համարվում է Ցեղասպանության, հիշատակի, դատապարտման և կանխարգելման ամիս Թուրքիայի ընդդիմադիր DEM կուսակցությունը ոգեկոչել է Հայոց ցեղասպանության զոհերի հիշատակը Ոգեկոչման ակցիան ուղեկցվել է ցեղասպանության զոհ գնացած հայ մտավորականների լուսանկարների ցուցադրմամբ Սերժ Սարգսյանը՝ ընդդիմության անհաջողության մասին․ Կան ոչ միասնական մոտեցումներ Նա նշել է նաև, որ կա արտաքին սատարում այս իշխանություններին |