Ստամբուլի Թաքսիմ հրապարակում ոստիկանական պահակակետ է պայթեցվել

PanARMENIAN.Net - Ստամբուլի կենտրոնում տեղի ունեցած պայթյունի արդյունքում վիրավորվածների թիվը հասել է 22 հոգու, որոնց թվում` 12 պատահական անցորդներ և 10 ոստիկանության աշխատակիցներ: Հաղորդվում է, որ երկու տուժած ոստիկաններ հիվանդանոց են տեղափոխվել ծանր վիճակում: Ավելի վաղ հաղորդվում էր, որ վիրավորվել են 15 հոգի: Ճշտված տվյալներով, Թաքսիմ հրապարակում պայթյունը տեղի է ունեցել հոկտեմբերի 31-ի առավոտյան: Պայթյունի ալիքը կոտրել է մոտակայքում գտնվող խանութների ու սրճարանների ապակիները:

Ստամբուլի ոստիկանության պետի խոսքով, հարձակման օբյեկտը ոստիկանական պահակակետն էր Թաքսիմ հրապարակում` Անկախության հուշարձանի մոտ, հաղորդում է թուրքական CNN-Turk հեռուստաալիքը: Ոստիկանության սպան հաղորդել է նաև, որ արդեն գտնվել է ահաբեկիչ-մահապարտի մարմինը և այն պայթուցիկ սարքի դրվագները, որը նա գործարկել էր:

Ներկա պահին հրապարակը օղակված է և փակ է ավտոտրանսպորտի երթևեկության համար: Քաղաքում անվտանգության խստացված միջոցներ են ձեռնարկվել: Պատահարի հետաքննությունը շարունակվում է: Օպերացիային մասնակցում են 6 ոստիկանական ուղղաթիռներ, հաղորդում է RBC-ն:

 Ուշագրավ
2020 թվականի օգոստոսից Թուրքիայից Ադրբեջան պաշտպանական և ավիացիոն միջոցների արտահանման ծավալները խիստ աճել են
Գինը վերջնական չէ, բանակցություններն ընթանում են։
Պատվաստված կամավորները կորոնավիրուսի դեմ իմունիտետ են ձեռք բերել
Նա նշել է, որ ԱԳ նախարար Էլմար Մամեդյարովը որևէ կերպ չի արձագանքել հուլիսի 12-ին իրադարձություններին