Ապրիլի 16-ին Երևանում Սուրբ Սարգիս եկեղեցու շուրջը 200 տնկիներ կտնկեն: Միջոցառմանը կմասնակցեն Երիտասարդ բնագետների ասոցիացիայի ներկայացուցիչներ, ինչպես նաև Անանիա Շիրակացի և Քվանտ վարժարանների ուսանողներ: Ուսանողներին կմիանան հայկական շոու-բիզնեսի ներկայացուցիչներ և մարզիկներ:
Միջոցառման կազմակերպիչներն են "ATP" բարեգործական հիմնադրամը, "Երիտասարդ բնագետների ասոցիացիա" հասարակական կազմակերպությունը, ինչպես նաև "Օրհուս" կենտրոնները Երևանում:
Այս միջոցառումը տեղի կունենա "Երկրի օրվա" տոնակատարությունների շրջանակներում: