Արմեն Աշոտյան. Ժամանակն է մշակել «կրթության որակի հայկական մոդել»
Այսօր Երևանում մեկնարկել է «Հայաստանում մասնագիտական կրթության ապահովման առկա խնդիրներն ու դրանց լուծման հեռանկարները» երկօրյա խորհրդաժողովը, որին մասնակցում են շուրջ 300 հոգի՝ հայկական բուհերի ռեկտորներ, դասախոսներ և ուսանողներ, ձեռնարկատերեր, գիտության, կրթության, տնտեսության ոլորտի ներկայացուցիչներ:
Վարչապետի անունից մասնակիցներին ողջունեց ՀՀ կրթության ու գիտության նախարար Արմեն Աշոտյանը:
Նա ընդգծել է, որ ՀՀ կառավարությունը կենսապես անհրաժեշտ է համարում կրթության բարձր մակարդակի ապահովման ժամանակակից մեխանիզմների ներդրման անհրաժեշտությունը: Նա նշել է, որ ժամանակն է մշակել «կրթության որակի հայկական մոդել»:
Նոր մոտեցումները կրթական ոլորտում ուղղված են Եվրոպայում հայկական բուհերի վարկանիշի բարձրացմանը:
