Հայաստանի Հանրապետական կուսակցության խորհրդարանական խմբակցության անդամ Հովհաննես Սահակյանը գտնում է, որ արժանի տեղ է զբաղեցնում ՀՀԿ ընտրացուցակում, այդ մասին նա հայտնել է այսօր տեղի ունեցած մամլո ասուլիսում: Նրա կարծիքով` ցուցակում իր համարից դժգոհելու ոչ մի պատճառ չկա, և այդ առիթով ինքը ոչ մի բարդույթ չունի: «Ցուցակը երկար քննարկումների արդյունք է, և հին հանրապետականները գոհ են իրենց տեղերից»,- հավելել է Հովհաննես Սահակյանը:
Պատգամավորը նշել է Հայաստանում առաջիկա խորհրդարանական ընտրությունների կարևորությունը` գտնելով, որ դրանք նախագահական ընտրությունների գլխավոր փորձն են: «Խորհրդարանական ընտրությունները պետք է նախագահի առաջիկա ընտրությունների հիմքն ու գրավականը դառնան»,- հայտնել է Սահակյանը:
ՀՀԿ ընտրացուցակում Հովհաննես Սահակյանը զբաղեցնում է 110-րդ տեղը:
