ՀՀ կրթության և գիտության նախարար Արմեն Աշոտյանի հրամանով` 2012 թվականի փետրվարի 28-ից մարտի 23-ն անցկացված հանրակրթական ուսումնական հաստատության ղեկավարման իրավունք (հավաստագիր) ստացել է 169 հավակնորդ: Ինչպես PanARMENIAN.Net–ին հաղորդում են Կրթության գիտության նախարարության մամուլի ծառայությունից` քննության գրավոր և բանավոր փուլերը դրական արդյունքներով հանձնած հավակնորդներին տրվել է հանրակրթական ուսումնական հաստատության ղեկավարման իրավունք` հավաստագիր:
Քննական շեմը չի հաղթահարել 39 հավակնորդ, որոնցից թեստային առաջադրանքը բավարար չի կատարել 30-ը, իսկ բանավոր փուլում բացասական արդյունք է արձանագրել 9 մասնակից: 9 հավակնորդ բացակայել է քննությունից: