Եվրախորհրդի խորհրդարանական վեհաժողովի ղեկավար Լորդ Ռասել-Ջոնսթոնը նամակով դիմել է Հայաստանի նախագահ Ռոբերտ Քոչարյանին, որտեղ իմ մտահոգությունն է արտահայտել Հայաստանի Հելսինկյան ասոցիացիայի նախագահ, իրավապաշտշան Միքայել Դանիելյանի վրա Երեւանում մարտի 30-ին կատարված հարձակման կապակցությամբ: Ռասսել-Ջոնսթոնի խոսքերով, ինչպես տեղեկացնում է Ժողովրդավարության միջազգային ինստիտուտը, Հայաստանի բարի համբավը պահպանելու համար անհրաժեշտ է կատարվածի հանգամանալի եւ բաց հետաքննություն իրականացնել: «Մարդու իրավունքների պաշտպանության ոլորտում ակտիվ մարդկանց նկատմամբ հարձակումների պարագայում` քաղաքական շարժառիթների շուրջ կասկածներն անխուսափելի են»,- նշել է ԵԽԽՎ ղեկավարը` հույս հայտնելով, որ նշված խնդիրը արագ կլուծվի: