Խորհրդարանական ընտրություններում «Բարգավաճ Հայաստան» կոալիցիոն կուսակցության (ԲՀԿ) հաղթանակի դեպքում, 2013թ նախագահական ընտրությունների ժամանակ նրա թեկնածուն է լինելու ՀՀ նախկին ԱԳ նախարար Վարդան Օսկանյանը, կարծում է քաղաքական տեխնոլոգ Կարեն Քոչարյանը:
Ընդ որում, լրագրողների` ԲՀԿ կողմից նախկին նախագահ Ռոբերտ Քոչարյանի թեկնածության առաջադրման մասին հարցին ի պատասխան, Քոչարյանը նկատել է, որ «Քոչարյանին ու Օսկանյանի փոխկապակցված է համարում»:
Կարեն Քոչարյանը հեգնանքով ընդգծել է նաև, որ տպավորություն է ստեղծվում, որ սա նախագահական ընտրությունների քասթինգ է, այլ ոչ թե խորհրդարանական ընտրություններ:
Խորհրդարանական ընտրությունները Հայաստանում տեղի կունենան մայիսի 6-ին: Ընտրություններին մասնակցում են ութ քաղաքական ուժեր՝ ՀՀԿ, ԲՀԿ, ՀՅԴ, ՕԵԿ-ը, «Ժառանգությունը», Հայաստանի դեմոկրատական կուսակցությունը, Կոմունիստական կուսակցությունը, «Միավորված հայեր» կուսակցությունը և մեկ նախընտրական դաշինք ի դեմս ՀԱԿ-ի:
