Ազատության հրապարակում այժմ տեղի ունեցող հանրահավաքին Նիկոլ Փաշինյանն հորդորել է հավաքվածներին չվախենալ և չհավատալ, թե ընտրախցիկներում տեղախցիկներ կան. «Մենք ձեզնից չենք ակնկալում, որ պայքարեք օլիգարխիայի դեմ: Երբ ձեր դուռը ծեծեն ու հարցնեն, թե ում եք ընտրելու, ասեք, որ ՀՀԿ-ի օգտին եք քվեարկելու: Բայց երբ վերցնում եք քվեաթերթիկը, 30 վայրկյանանոց հեղափոխությունը սկսվում է»:
Փաշինյանը հորդորել է մարդկանց չվախենալ և չհավատալ, թե ընտրախցիկներում տեղախցիկներ կան: «Հեղափոխությունը», նրա խոսքով, տևելու է 30 վայրկյան:
«Ուրեմն, կեցցե հայկական հեղափոխութունը, կեցցե մեր Հանրապետությունը, կեցցեն մեր երեխաները, որ ապրելու են ազատ, անկախ Հայաստանում», – ասել է Փաշինյանը:
Նրա ելույթի ժամանակ հարթակ են բարձրացել ՀԱԿ երիտասարդ ակտիվիստներ, որոնք կրում էին «30 վայրկյան» գրառումով շապիկներ:
