Ադրբեջանի պաշտպանության նախարար Սաֆար Աբիեւը չի մասնակցի մայիսի 21-ին Երեւանում կայանալիք ԱՊՀ անդամ երկրների պաշտպանության նախարարների հանդիպմանը: Այդ մասին տեղեկացրել է Բաքվի «Էխո» թերթը` վկայակոչելով Ադրբեջանի պաշտպանության նախարարության մամուլի ծառայության ղեկավար Ռամիզ Մելիքովին: «Ադրբեջանը չի բախում թշնամու դուռը, այդ հայերն են անամոթաբար տենչում գալ Բաքու», - ասել է Մելիքովը: Նա նշել է, որ երեւանյան համաժողովը կրում է «պլանային եւ ստանդարտ բնույթ», եւ չմասնակցելով դրան Ադրբեջանը «ոչինչ չի կորցնի»: