Մայիսի 9-ին Լեհաստանի մայրաքաղաք Վարշավայում կանցկացվի «Հայերի օր»: Ինչպես հաղորդում է «Արմինֆո» գործակալությունը` վկայակոչելով լեհական ԶԼՄ-ները, միջոցառումների ընթացքում կներկայացվեն Հայաստանի մասին պատմող ֆիլմեր, հայկական գրքեր, լուսանկարներ, հայկական երաժշտությունն ու ազգային խոհանոցը: Ակցիայի նախաձեռնողն է «Մուսա Լեռ» երաժշտական կոլեկտիվը, որը մեկ տարի առաջ ստեղծվել է Լեհաստանում բնակվող հայերի կողմից: Հիմնական միջոցառումը տեղի կունենա Վարշավայի ազգագրական թանգարանում: