Տնտեսագիտական գիտությունների դոտկոր, պրոֆեսոր, «Այլընտրանք» հետազոտական կենտրոնի ղեկավար Թաթուլ Մանասերյանը 2012-ի սեպտեմբեր-հոկտեմբերին ակնկալում է երկնիշ աճ գյուղատնտեսության ոլորտում: Նրա խոսքով, ընթացիկ տարվա առաջին եռամսյակի արդյունքներով մակրոտնտեսական ցուցանիշները ֆիքսում են որոշակի կայունություն և բոլոր նախադրյալները կան, որպեսզի նման միտումը շարունակվի: «Եթե նման միտումները պահպանվեն, ապա սեպտեմբեր-հոկտեմբերին գյուղատնտեսության ոլորտում աճը կարող է հասնել երկնիշ թվի»,- ասել է նա ապրիլի 25-ին մամլո ասուլիսում:
Տնտեսագետը նման կանխատեսումը հիմնավորել է անցած տարվա բազայով և իշխանությունների կողմից անցկացվող ագրարային քաղաքականությամբ, ինչպես նաև բարենպաստ եղանակային պայմաններով, որոնք թույլ կտան աշնանն ապահովել լավ բերք:
Հայաստանի Ազգային վիճակագրական ծառայության տվայլներով, 2012-ի հունվար-մարտին 2011-ի նույն շրջանի համեմատ գյուղատնտեսության ոլորտում արտադրված համախառն արտադրանքի ծավալները չեն փոխվել՝ 65,4 մլրդ դրամ:
