Ցյուրիխում հայ շախմատիստ Լևոն Արոնյանի և ռուսաստանցի Վլադիմիր Կրամնիկի միջև ընկերական հանդիպումը խաղաղ ելք է ունեցել:

Մամլո ասուլիսի ժամանակ երկու շախմատիստներն էլ խոստովանել են, որ վերջին պարտիայում ոչ ոքիի համար չէին խաղում: Եվ Արոնյանը, և Կրամնիկը իրենց շանսերը լավագույնն էին համարում, երբեմն` միաժամանակ:

Ինչպես շախմատիստները, այնպես էլ հանդիսատեսը միակարծիք էին, որ պայքարի առումով խաղը ստացվեց: « Արոնյանի հետ 6-ից մեկ անհետաքրքիր պարտիա, արդեն իսկ լավ ցուցանիշ է»,-Կրամնիկի խոսքը հաղորդում է chess-news.ru-ն:

ՖԻԴԵ-ի վարկանիշի 2-րդ և 4-րդ համարները 6 պարտիա խաղացին: Առաջինում հաղթանակ տարավ Արոնյանը, 3-րդում` Կրամնիկը: Մյուս պարտիաներն ավարտվեցին ոչ ոքի: Խաղի ընդհանուր հաշիվն է 3:3: