Էրեբունի բժշկական կենտրոնի վերակենդանացման բաժնի վարիչ Հարություն Մանգոյանը մեկնաբանել է PanARMENIAN.Net-ի թղթակցին Երևանում պայթյունից տուժածների վիճակը, ովքեր գտնվում են հիվանդանոցում:«Բոլորի վիճակը գնահատվում է որպես միջին ծանրության: Այրվածքներով ծանր հիվանդներ չկան, բոլորի գիտակցությունը տեղում է, ստանում են անհրաժեշտ բժշկական օգնություն, ինչպես նաև անցակցվել է նեղ մասնագետների խորհրդատվություն»,- ասել է նա:
Այն հարցին, թե բուժումից հետո տուժածների մոտ սպիներ կմնան, Մանգոյանը պատասխանել է. «Այրվածքների հարցերով մասնագետների, վիրաբույժների և մեր նախնական գնահատականների համաձայն չպետք է լինեն լուրջ հետքեր, այդ թվում՝ կոսմետիկ»:
ՀՀ Արտակարգ իրավիճակների նախարարությունից հաղորդում են, որ մայիսի 5-ի դրությամբ հոսպիտալացված 154 քաղաքացիներից 74-ը դեռևս գտնվում են հիվանդանոցներում, որոնցից 25-ը՝ վերակենդանացման բաժանմունքներում, իսկ 78-ը դուրս են գրվել:
