Սիրիական Ռաստան քաղաքում դաժան ընդհարումների արդյունքում մահացել են առնվազն 30 հոգի, նրանցից 23-ը զինծառայողներ են, հաղորդում է BBC-ի ռուսական ծառայությունը: Մեծ Բրիտանիայում տեղակայված Մարդու իրավունքների սիրիական օբսերվատորիայի ներկայացուցիչների խոսքով, տասնյակ մարդիկ վիրավորվել են: Անցած հանգստյան օրերին կառավարական ուժերը սկսել են հարձակվել Ռաստան քաղաքի վրա, չնայած նրան, որ մեկ ամիս առաջ երկրում պետք է ուժի մեջ մտնի հրադադարի մասին համաձայնագիր՝ մշակված ՄԱԿ և Արաբական պետությունների լիգայի կողմից:

Ռաստանը սիրիական ընդդիմության ապաստաններից մեկն է: Վերջին տարում քաղաքի նկատմամբ վերահսկողությունը մի քանի անգամ ձեռքից ձեռք է անցել: