21 մայիսին Րաֆֆի Հովհաննիսյանը հյուրընկալեց Հայաստանում ԱՄՆ արտակարգ և լիազոր դեսպան Ջոն Հեֆֆերնին: Այս մասին հաղորդում է «Ժառանգություն» կուսակցության մամլո ծառայությունը: Քննարկվեցին հետընտրական Հայաստանին, հայ-ամերիկյան հարաբերություններին և տարածաշրջանային զարգացումներին առնչվող հարցեր:

Զրուցակիցներն ընդգծեցին ազատ և արդար ընտրությունների հույժ կարևորությունը և դրանց ապահովման հեռանկարում՝ երիտասարդության ու քաղաքացիական ողջ հասարակության մասնակցության անհրաժեշտությունը: