Ռուսների համար Եվրամիության հետ վիզային ռեժիմը կարող է վերանալ արդեն 2014 թվականին: Այդ մասին, ինչպես հաղորդում է Firstnews.ru-ն, հայտնել է Դաշնության Խորհրդի խոսնակ Վալենտինա Մատվիենկոն:
Նրա խոսքով` Ռուսաստանի և ԵՄ միջև վիզային ռեժիմը չեղյալ հայտարարելու հնարավորություններն ու հեռանկարները կքննարկվեն հունիսին կայանալիք հանդիպմանը:
Մատվիենկոն հույս է հայտնել, որ, մասնավորապես, 2014-ին համապատասխան գլոբալ համաձայնագիր կստորագրվի: Այդ հայտարարությունը Մատվիենկոն կատարել է իր Լեհաստան կատարած այցի ընթացքում:
ԴԽ խոսնակը նշել է, որ մոտ ժամանակներս Պետդուման պետք է վավերացնի Կալինինգրադի երկրամասի և Լեհաստանի սահմանամերձ շրջանների բնակիչների համար պարզեցված վիզային ռեժիմի մասին միջկառավարական համաձայնագիրը:
Մատվիենկոն հավելել է, որ, հնարավոր է, արդեն ամռան կեսին այդ համաձայնագիրը «կարող է գործարկվել»:
