ՈւԵՖԱ-ն EURO-2012 ֆան-գոտիներին կապահովի բազային ենթակառույցով, ինչպես նաև ընդունող քաղաքներին կփոխհատուցի 3.25 մլն եվրոյի չափով: Այս մասին հաղորդել է «Ուկրաինա Եվրո-2012» կազմկոմիտեի ղեկավար Մարկիան Լուբկիվկսին:
Առաջնության քաղաքներում արդեն մեկնարկել են պաշտոնական ֆան-գոտիների ստեղծման աշխատանքները: Դոնեցկում և Խարկովում այդ աշխատանքները սկսվել էին մայիսի 16-ին և 21-ին: Լվովում և Կիևում դեռևս տարվում են նախապատրաստական աշխատանքներ, մոնտաժային աշխատանքները կսկսվեն 26-ին և 28-ին: