Կրթության գիտության նախարար Արմեն Աշոտյանը շնորհավորել է շրջանավարտներին դպրոցում ուսումնառության Վերջին օրվա և Վերջին դասի կապակցությամբ:
«Բոլորիդ համար այս օրը չափազանց հիշարժան է և անմոռանալի: Այսօր Դուք հրաժեշտ եք տալիս պատանեկան տարիներին, հարազատ դարձած կրթօջախին` դպրոցին և մտնում կյանքի մի նոր փուլ, որտեղ պահանջվոմ է լինել առավել լուրջ ու պատասխանատու:
Սա այն պահն է, որ պետք է կատարեք ապագայի համար ճիշտ ընտրութուն և ընտրեք Զեզ համար հոգեհարազատ մասնագիտություն:
Համոզված եմ, որ թե դպրոցում և թե ուսումնառության հետագա տարիներին ստացած գիտելիքները կօգնեն, որ կյանքում Ձեզ զգաք առավել հաստատուն ու կայացած, դառնաք մեր պետության զարգացման, առաջընթացի ակտիվ մասնակիցը և հուսալի ապագայի գրավականը:
Ուսումնառության Վերջին օրվա և Վերջին դասի կապակցությամբ շնորհավորում եմ Հայաստանում, հեռավոր սփյուռքում, Արցախում և Ջավախքում ապրող մեր բոլոր շրջանավարտներին, ուսուցիչներին ու ծնողներին այս գեղեցիկ և անմոռանալի օրվա կապակցությամբ, մաղթում հաջողություններ, նորանոր ձեռքբերումներ և ամենայն բարիք»,-նշվում է նախարարի շնորհավորական ուղերձում:
