Այրվացքաբանական կենտրոնում դեռևս բուժում են ստանում մայիսի 4-ին Հանրապետության հրապարակում փուչիկների բռնկման հետևանքով տուժած 7 հոգի: Այս մասին PanARMENIAN.Net-ի թղթակցի հետ զրույցում ասաց ՀՀ առողջապահության նախարարի մամուլի քարտուղար Շուշան Հունանյանը:
Նա նշեց, որ Գերմանիայից հրավիրված պլաստիկ վիրաբույժը վիրահատել է 9 հոգու, իսկ մնացած տուժածներին, ովքեր ունեն ավելի փոքր, հեշտ խնդիրներ կվիրահատեն տեղացի վիրաբույժները:
Հայաստանի նախագահ Սերժ Սարգսյանի հանձնարարությամբ Հայաստան էր հրավիրվել Գերմանիայի Հեյդելբերգ քաղաքի Համալսարանական կլինիկայի պլաստիկ, վերականգնողական վիրաբուժության և այրվածքների կենտրոնի պրոֆեսոր Ադրիան Դայգլերը, ով արդեն հետ է վերադարձել իր հայրենիք։
Մայիսի 4-ին ՀՀԿ նախընտրական համերգի ընթացքում փուչիկների բռնկման հետևանքով տուժել էր 150 –ից ավելի մարդ:
