ՀՀ Վարչական դատարանում այսօր ընթերցվեց Մաշտոցի պուրակի ապամոնտաժող բրիգադի անդամների գործով դատավճիռը։ Մաշտոցի պուրակի ապամոնտաժող բրիգադի անդամներ Մանվել Սարգսյանը և Կարեն Շիկոնյանը ենթարկվեցին վարչական տուգանքի` 53 հազարական դրամի չափով:
Պատասխանող կողմի պաշտպանները` Մաշտոցի պուրակի բնապահպան-ակտիվիստները «Մարդ կա ելել է շալակն աշխարհի, մարդ կա` աշխարհն է շալակած տանում», «Մաշտոցի պուրակը պատկանում է հանրությանը» պաստառներով եկել էին դատավճռի ընթերցմանը, որը տեղի ունեցավ դատարանի փոքր սենյակներից մեկում, ինչի առթիվ դատավճռի ընթերցմանը եկած Մաշտոցի պուրակի բնապահպան ակտիվիստները բողոք բարձրացրին` պահանջելով ավելի մեծ դահլիճ, որպեսզի նրանք կարողանան լսել դատավճիռը։ Սակայն նրանց պահանջը չբավարարվեց։