Բրիտանական ԱԳ նախարարն ուզում է համոզել Լավրովին ճնշում գործադրել Դամասկոսի վրա
Մեծ Բրիտանիայի արտաքին գործերի նախարար Ուիլյամ Հեյգը վաղը մտադիր է Սիրիայում Քոֆի Աննանի խաղաղ ծրագրի կատարման վերաբերյալ բանակցություններ վարել իր ռուսաստանյան պաշտոնակից Սերգեյ Լավրովի հետ, հաղորդում է Reuters գործակալությունը:
«Սիրիան կործանման կամ միջկրոնական սկզբունքով մահացու քաղաքացիական պատերազմի եզրին է»,- հայտնել է Հեյգը Քաբուլում, որտեղ հինգշաբթի օրը տեղի կունենա Աֆղանստանի վերաբերյալ տարածաշրջանային խորհրդաժողովը:
Ինչպես հաղորդում է գործակալությունը, Հեյգը ծրագրում է Լավրովի հետ հանդիպել խորհրդաժողովի կուլուարներում և համոզել Ռուսաստանին օգտագործել իր ազդեցությունը Սիրիայի կառավարության վրա, որպեսզի իրականացվի ՄԱԿ-ի և ԱՊԼ հատուկ դեսպանորդ Քոֆի Աննանի ծրագիրը:
