Թուրքիայում գտնվող Գալուստ Գյուլբենկյանի 200 տարվա տունը կվերածվի պանդոկի
Հայ մեծահարուստ և բարերար Գալուստ Գյուլբենկյանի թուրքական Կեսարիայի Թալաս քաղաքի ապարանքները վերածվելու են «բուտիկ-պանդոկի»: Այդ մասին հայտնում է Թուրքիայում հրատարակվող հայկական «Մարմարա» օրաթերթը:
Թերթի փոխանցմամբ շենքի սեփականատերը Նեջիպ Դինչերն է: Շենքը կառուցվել է 200 տարի առաջ, և մեկ հարկն արդեն փլված է: Տարբեր տարիների ընթացքում շենքն ունեցել է բազմաթիվ սեփականատերեր, և Դինչերն այն գնել է ստամբուլցի բժշկից:
Թուրքիայի հայ ճարտարապետներից մեկն ասել է, որ այդ տարածաշրջանում շատ հին շենքեր են քանդվել, և պետք է գոհ մնալ, որ Գյուլբենկյանի տունը կանգուն է:
Շենքի նոր սեփականատերն ասել է, որ քաղաքը զբոսաշրջիկներին հյուրընկալելու պահդոկ կունենա և կկոչվի «Գյուլբենկյան պանդոկ»:
