Երևանում հունիսի 21-24-ը արդեն 3-րդ անգամ կանցկացվի Բացօթյա ընթերցանության փառատոն: Փառատոնի նպատակն է միավորել երիտասարդությանը, վերացնել հասարակական վայրերում ընթերցելու բարդույթը, ամրապնդել սերը գրքի հանդեպ:

Փառատոնի ընթացքում կկազմակերպվեն մի շարք միջոցառումներ կապված ընթերցանության հետ. «Նվիրիր գիրք» ակցիա, որի շրջանակներում ցանկացողները գրքեր կնվիրեն գրադարաններին, ապա կլինի մասսայական բացօթյա ընթերցանություն:

Երեկոյան կլինի փառատոնի բացման համերգը, որին կմասնակցեն Դավիթ Ամալյանը, Արմինե Հայրապետյանը, Էդուարդ Զորիկյանը, Վախթանգ Հարությունյանը, Հովակիմ Սաղաթելյանը, Սարգիս և Գագիկ Շիբոյանները, Քրիստ Մանարյանը և ուրիշներ: Նախաձեռնությունը կմեկնարկի հունիսի 21-ին «Գաֆեսճյան քանդակների պարտեզում»:

Փառատոնի նախաձեռնողն ու իրականացնողը երիտասարդական «Ֆլեշմոբ Դիվիզիա» ՀԿ-ն է։