ՄԱԿ մարդու իրավունքների հատուկ հանձնաժողովի ղեկավարին թույլ են տվել մուտք գործել Սիրիա
Սիրիայի իշխանություններն առաջին անգամ թույլ են տվել մուտք գործել երկիր ՄԱԿ մարդու իրավունքների հատուկ հանձնաժողովի ղեկավար Պաուլու Պինեյրուին, հայտնում է «ՌԻԱ Նովոստին»՝ «Ռոյթերսի» վրա հղումով:
«Նա փորձում է մեզ համար թույլտվություն ստանալ: Մենք պետք է այնտեղ լինենք մինչև սեպտեմբեր, երբ կներկայացվի մեր վերջնական զեկույցը»,-մեջբերում է գործակալությունը աղբյուրի խոսքը:
ՄԱԿ մարդու իրավունքների հատուկ հանձնաժողովը ձևավորվել է ՄԱԿ Մարդու իրավունքների խորհրդի կողմից 2011թ. սեպտեմբերին: Հանձնաժողովը գլխավորում է բրազիլացի փորձագետ Պաուլու Պինեյրուն:
