Հաջորդ շաբաթ Կահիրեում կներկայացվի սիրիական ճգնաժամի կարգավորման ծրագիրը
Ժնևի հանդիպմանը մասնակցած երկրների ԱԳ նախարարները Սիրիայում իրադրության կարգավորման վերաբերյալ իրենց ծրագիրը կներկայացնեն հաջորդ շաբաթ, մամլո ասուլիսում հաղորդել է ԱՄՆ պետքարտուղար Հիլարի Քլինթոնը:
«ԱՄՆ-ը և այսօրվա հանդիպմանը մասնակցող մյուս երկրները կներկայացնեն այդ ծրագիրը հաջորդ շաբաթ Կահիրեում»,- ասել է Քլինթոնը: Պետքարտուղարը հույս ունի, որ Ժնևում համաձայնեցված ծրագիրն օժանդակություն կստանա հաջորդ ուրբաթ «Սիրիայի բարեկամների» հանդիպմանը: «Պետք է առաջ տանել այդ ծրագիրը, որպեսզի ստանանք այն արդյունքները, որոնց ձգտում ենք»,- հայտնել է Հիլարի Քլինթոնը, հաղորդում է ՌԻԱ Նովոստին:
