ՈւԵՖԱ-ն իր պաշտոնական կայքում հրապարակել է Եվրո-2012 լավագույն ֆուտբոլիստների անունները: Լավագույն դարպասապահներ են ճանաչվել իսպանացի Կասիլյասը, Բուֆֆոնը Իտալիայի հավաքականից, գերմանացի Նոյերը:

Լավագույն պաշտպանների ցուցակը գլխավորում են Ռամոսը, Պիկեն, Ալբան Իսպանիայի հավաքականից, պորտուգալացիներ Կուենտրան ու Պեպեն, Լամը՝ Գերմանիայի հավաքականից: Կիսապաշտպանների թվում լավագույններն են՝ իսպանացիներ Ալոնսան, Ինյեստան, Խավին ու Բուսկետսը: Իտալիայի հավաքականից Դե Ռոսսին, Ջերարդը Անգլիայի հավաքականից, իտալացի Պիրլոն և Գերմանիայի կազմում հանդես եկող Օզիլն ու Հեդիրան: Հարձակվողների թվում լավագույններն են Ֆաբրեգասն ու Սիլվան Իսպանիայից, Շվեդիայի հարձակվող Իբրագիմովիչը, իտալացի Բալոտելլին և պորտուգալացի աստղ Ռոնալդուն: