Այսօր Վրաստանի մայրաքաղաքում Հայաստանի նախագահ Ռոբերտ Քոչարյանի Թբիլիսի պաշտոնական այցի շրջանակներում բացվել է հայ-վրացական գործարար համաժողովը: Համաժողովը կընթանա հոկտեմբերի 22-24-ը: Զարգացման հայկական գործակալության գործադիր տնօրեն Վահագն Մովսիսյանի խոսքերով, համաժողովի կազմակերպման նախաձեռնությամբ է հանդես եկել հայկական կողմը: Նա հաղորդել է նաեւ, որ նախատեսվում է ստորագրել Հայաստանի եւ Վրաստանի առեւտրաարդյունաբերական պալատների միջեւ փոխադարձ ծառայությունների մատուցման եւ տեղեկատվության փոխանակման շուրջ պայմանագրեր: Նշենք, որ ակնկալվում է երկու երկրների նախագահների այցը համաժողով: