ՀՀ կրթության և գիտության նախարարությունում այսօր՝ հուլիսի 10-ին, տեղի է ունեցել «Dasaran.am» կրթական ծրագրի նախաձեռնած, ՀՀ կրթության և գիտության նախարարության ու ՀՀ ոստիկանության աջակցությամբ իրականացվող «Ավտոդպրոց» ծրագրի շնորհանդեսը: Այս մասին հաղորդում են «Dasaran.am»-ի հանրային կապերի բաժնից։
«Ավտոդպրոց»-ը նպատակ ունի բարձրացնել դպրոցականների, ինչպես նաև նրանց ծնողների և ՀՀ վարորդների՝ երթևեկության կանոնների վերաբերյալ իրազեկվածության մակարդակը: Այն հասանելի է ոչ միայն «Dasaran.am»-ում գրանցված բաժանորդներին, այլև յուրաքանչյուր քաղաքացու, ով ցանկանում է առցանց սովորել երթևեկության կանոնները»,–նշված է կայքի տարածած հաղորդագրության մեջ։
«Ավտոդպրոց»-ը հնարավորություն կտա ներկայիս և ապագա բազմաթիվ վարորդներ տիրապետել ճանապարհային երթևեկության կանոններին, ինչպես նաև վարորդական իրավունքի տեսական քննությունից առաջ առցանց վերապատրաստվել:
