Բուլղարիան ԱԷԿ չի կառուցի, պատճառը ֆինանսական խնդիրներն են
Բուլղարիան հրաժարվել է «Բելենե» ԱԷԿ-ը կառուցելուց` միջոցների անբավարարության պատճառով: Ինչպես հաղորդում է ԻՏԱՐ-ՏԱՍՍ-ը, այս մասին հայտարարել է Մոսկվայում Բուլղարիայի դեսպան Բոյկո Կոցևը:
«Մենք պահանջներ չունենք ռուսական կողմից: Մենք նախագծին չենք կարող մասնակցել` ելնելով ֆինանսական նկատառումներից»,-ասել է նա:
Որպես գլխավոր խնդիրներ, Կոցևը նշել է տնտեսական ճգնաժամը և ռազմավարական ներդրողի բացակայությունը:
«Սա մեզ համար բարդ որոշում էր, եթե գումար լիներ, մենք կընդունեինք այս նախագիծը»,-ընդգծել է դեսպան Կոցևը, հավելելով, որ Բուլղարիան կվճարի Ռուսաստանին` իր պատվերի համար:
