Ջերմուկում ընթացող ՖԻԴԵ-ի կանանց Գրան Պրիում արդեն 4 տուր է կայացել: Լիլիթ Մկրտչյանին վերջապես հաջողվել է հաղթանակ տանել, նա ավելի ուժեղ է գտնվել Եկատերինա Կովալևսկայայից (Ռուսաստան): Էլինա Դանիելյանը 4-րդ տուրում ոչ ոքի է խաղացել Նինո Խուրցիձեի հետ և 2 միավորով 7-րդ տեղում է Մկրտչյանը 1,5 միավորով բարձրացել է 10-րդ տեղը:

Մրցաշարի առաջատարն է չինացի Ցզյու Վենցզյունը 3,5 միավորով, որը հաղթել է նույնպես չինացի Ռուան Լուֆեյին: Հոու Իֆանը (Չինաստան) և Համթի Քոներուն (Հնդկաստան) ունեն 2,5-ական միավոր և գրավում են 2 և 3-րդ տեղերը: 4-րդ տուրում շախմատիստուհիները ոչ ոքի են խաղացել:

5-րդ տուրում Դանիելյանը կխաղա Չժաո Սյուեյի (Չինաստան) հետ, իսկ Մկրտչյանը՝ ռուսաստանցի Նադեժդա Կոսինցևայի հետ: