Այսօր ժամը 17:30 Ոստիկանության քննչական գլխավոր վարչության դիմաց տեղի կունենա բողոքի ակցիա` Հարսնաքարի գործով նյութերին ծանոթանալու համար փաստաբաններին մեկամսյա ժամկետ տրամադրելու պահանջով: «Պահանջում ենք պատժել Հարսնաքարի միջադեպի բոլոր մեղավորներին» նախաձեռնությունը հայտարարություն է տարածել, որտեղ ասված է, որ միայն այս պարագայում հնարավոր կլինի գործուն մասնակցություն ունենալ նախաքննությանը, հասնել գործի բացահայտմանը և իրական մեղավորների պատասխանատվությանը:
Հիշեցնենք, որ Վահե Ավետյանի իրավահաջորդի փաստաբաններին դեպքի առնչությամբ հարուցված քրեական գործի նախաքննության շուրջ հազար էջանոց նյութերին ծանոթանալու համար քննիչները տվել էն մեկ օր ժամանակ: «Ակնհայտ է, որ նրանց տրամադրած ժամկետը ողջամիտ չէ սույն գործին ծանոթանալու և միջորդություններ ներկայացնելու համար:
Սա վկայում է այն մասին, որ քաղաքական իշխանություններն ու իրավապահները զբաղված են քրեական գործի կոծկմամբ»,- ասված է նախաձեռնության տարածած հայտարարության մեջ:
