Արևի երկրաչափական ձևի նոր բարձր ճշտություն ունեցող չափումները, որոնք կատարվել են SDO տիեզերական աստղադիտարանից, ցույց են տվել, որ մեր լուսատուն գրեթե իդեալական գունդ է, ընդ որում նրա ձևը պահպանվում է անկախ արևային ցիկլից: Ինչպես հաղորդում է ՌԻԱ Նովոստին, այդ մասին ասվում է Science ամսագրում հրապարակված ամսագրում:
Վերջին 50 տարվա ընթացքում գիտնականները փորձել են չափել Արևի երկրաչափական պարամետրերը, սակայն պատկերի մթնոլորտային աղճատումների պատճառով արդյունքները չէին համընկնում միմյանց հետո: Արդյունքում եզրակացություն էր արվել, որ Արևի ձևը փոխվում է 11ամյա արևային ցիկլից կախված:
Հավայան համալսարանից Ջեֆ Կունի խումբն օգտագործել է HMI (Helioseismic and Magnetic Imager) տեսախցիկի տվյալները SDO ուղեծրային արևային հեռադիտակի վրա, որը թույլ է տալիս 16 անգամ ավելի ստույգ պատկերներ ստանալ, քան այլ տիեզերական արևային հեռադիտակների լավագույն տեսախցիկները:
